استفسار عن افضل مركز فحص للسيارات بالرياض

كارتك في النسيم ممتاز تقريبا يكلف الفحص كامل 400 ريال ناسي والله
المعرض ينقل الملكية فوري ويعطيك ورقة المبايعة بعدين انت تروح اقرب فرع للمرور وتستخرج الاستمارة ومبررووك مقدما

حياك اخوي 

والله اكثر الناس ما اتفقوا على مركز فحص يكون الافضل 

فناس تقول فحصنا عند المركز الفلاني طلع مرشوش او المكينه تعبانه 
وفحصنا في مركز ثاني طلع فيه رفرف او كبوت والمكينه طلعت سليمه 

اذا المركز الاول فاشل 
انا اعطيتك مثال 

لكن انا بتكلم عن مركز الغروب 
اشوف انه فحصه طيب 

وناس كثيير يمدحون البريدي لكن مشكلته ان صاحب المحل نفسه شينه 
وصارت لواحد قصه نزل موضوع قبل فتره 
انه لاقي جمس 

وطلع في الفحص ان بوية التنده تختلف في ارقام البويه عن بقية الفحص 

وسئلهم قالو ما ندري هل التنده مرشوشه اولا 

وتوهو الرجال وما عرف هي مرشوشه او لا 

انا اتكلم عن مراكز الفحص اللي في النسيم 


المركز الوحيد اللي ما سمعت او قريت ان فيه مشاكل مركز كارتك 

والشور يعود لك وشف باقي الاعضاء اش يقترحون 

تصحيح للخطا 

ان فيه مشاكل = ان مافيه مشاكل 

كثير اللي مدحو كارتك ومحد ذمه

حياك
اخوي 
الغروب ممتاز عن تجربه اكثر من سياره
مكانه في النسيم 

يعطيكم العافيه اخواني ولكم لايكات تستاهلون كل خير
والله يسهل الامور لي ولكم وبشوف كارتك واللي له رأي ثاني لايبخل علي يسعدكم ربي

 شوف اكثر مراكز فحص  يبالغون وبعض الفحص عندهم اجزه اي كلام  يعني لو يجي شريطي ويحذف لمبه الارباق  بحيث ماحد يقدر يصيدها من مراكز صغار مخيسه ماحد يصيده الى مراكز معروفه وكبيره

 زي بريدي وكارتك والغروب  لكن اشوف اكثر اصحاب فورد يرحون للغروب بحيث فيه بعضهم مختص في فورد

 لكن انصحك بكارتك   

كارتك يعلمك بكل شي حتى لو قطعه نص عمرها قال تحتاج تبديل  زي اذرعه وجلد مقصات وكراسي مكينه 

 ولزم  اي فحص يقولك تحتاج تصفيه مكينه  ولا تنسنا من دعاء  بتوفيق 

ربي يعطيك العافيه اخوي سكودر وتستاهل التقييم

الغروب هو الافضل  ,, ثم كارتك 

مشكور اخوي على مشاركتك وتستاهل التقييم
بس هل الغروب قريب من كارتك وكم اسعار الفحص عندهم
دمتم بحفظ الله

البريدي للاسف اسلوبه زفت ورافع خشمه ولاتقدر تاخذ ولاتعطي معاه 
ذاك الشايب اعرفه للاسف صدره ضيق ومايتحمل النقاش مايسوى اكون زبون عنده اذا هو بهذا الاسلوب

انصحك بمركز الغروب
ولاتروح اوقات الموسم جمعه وسبت عليه زحمه والاسعار ثابته
روح اوقات الفضاوه  الاحد الاثنين الثلاثاء فاضين وتقدر تكاسر فالسعر
وشغلهم نظيف وممتاز

كارتك في نفس الشارع 
كل محلات الفحص بتلقاها فالنسيم في شارع واحد 

مشكور اخوي شاقح بن مشقوح الشقيحاني وتستاهل التقييم ربي يسعدك

اتجاهات امان شارع الخليل بن احمد بعد وكالة تويوتا يمين  

نعم أفضل مركز هو الغروب
ولكن إياك ان تقترب من كارتك والبراك  مايخافون الله 
انا فحصت سيارة جمس يوكن ٢٠٠٨ عند كارتك قال فيها صوت بالمكينة
وبعض الشغلات الاستهلاكية
وبنفس الحظة طلعت ورحت مركز البراك 
قال الشاص مضروب والمكينة مفكوكة وحرارة وصرفية زيت
يعني مافي علة في سيارات الرياض الا وحطها في سيارتي
وبعد هرب الزبون البراك عرض علي إنّو يشتري السيارة مني
اياكم ثم اياكم كارتك والبراك
البراك قال لزبون تكلفة التصليح ١٥٠٠٠ريال
الله ينتقم منه يارب

اما الغروب يعمل بكل ضمير 
البراك يهرب الزبون وبعد ذهاب الزبون ويقول انا اشتري منك السيارة
كارتك والبراك هم موجودون في النسيم
البراك عمالة مصرية مايخافون الله
الله ينتقم منهم ويجعل كيدهم في نحرهم

السلام عليكم انا انصح في مركز ميزان المركبه فحصهم طيب وعماله خبره عندهم والله وسعرهم معقولوهذا رقم المهندس ٠٥٩٦٠٧١١٦٨

أنا جربت اتجاهات امان في الشفا على طريق الخليل بن احمد صراحة شغلهم محترف ومتقن