لماذا على المراة ان ترضى بجماع زوجها من باب انه يعتذر اعتبره ظلم؟

فديتج اولا احنا مسلمين
والاسلام امر وفرض اشياء على الريال مثل ما فرضها على الحرمة
وجهاد المرأة في هالحياة هي زوجها وعيالها وبيتها
والمرأة المفروض تقبل جماع زوجها سواء بعد الزعل او قبل الزعل او حتى وهم متزاعلين
وللعلم انا متفقة مع زوجي اذا يه يوم وتزاعلنا وطول الزعل...ورغب في الجماع... يجيني وياخذ حاجته
لان المرأة اللي تخلي زوجها على وساوس الشيطان ملعونة

ادري انه هالشي يحز في خاطر كل الحريم
بس فديتج احنا مالنا غير رياييلنا
وحرام نخلي الشيطان يلعب في عقولهم خلال فترة زعل ما تسوى
وانتي بنفسج قلتي حقة
حققققققققققققققققققققققه
سواء شئنا ام ابينا
ويارب يأجرنا على طاعته

وللعلم انا شخصيتي عصبية
وصعب ارضائها
ولكن في هذا الموضوع اخضع
لاني لو تمنعت وازداد تمنعي
سيكرهني هالزوج
وسيكره اي اي شي يجي من صوبي






ا

حبيبتي
:
:
متى تحسين ان زوجك ملك لك بروحك !! وانك اسعد انساانه بالحيااه!!
وقت الجمــاع
فأحسه شي طبيعي بتنسين الزعل
وفي رجال ماايعرفون يعتذرون الا بهالطريقه
لان الزوج يهمه يسعد زوجته وقت الجمااع وينبسط اذا شاافها مبسوطه
فيشوف انه هذي هي الطريقه الي يقدر يعتذر لك فيها
:
مو عطر او ورده
:
:
واهم شي مانخلي بليس يلعب براسنا

هذا رائي !!!

اذا طلب الجماع وكان بينكم مشكله فتمنعي بغنج ودلال بحجة انك مازلتي زعلانه
وراح يراضيك باللي تحبين بما انه في رأسه جماع ... لذلك هو اعتذار وبإمكانكم تغيروا في اساليب هذا الاعتذار

عادييييييييييييييييييييييييييي جدا ياختي

انا ما اشوف فيها اي شي بي العكس عادييييييييييييييي

لان الرجال يحب يرضو المراه بي هادي الطريقه

عادي عادي:in_love:

اصلا كل مره يكون للريال اسلوب اعتذار يديد ...... هو طبعاً مابيي ايقولج اسف ولاتزعلين هذا طبع فيهم

بس مرات اذا تمادوا وحسوا بكبر هالغلطه يعتذرون ...

مرات يمكن ياخذ لج هديه بحجه انه يراضيج ...... يعزمج ع العشا او الغدا ..... يطلعج يوديج اي مكان

...... يطرش لج مسج ....... او رساله ...... او عن طريق المعاشره بما احل الله تعالى

ولكن ارجع واقول على حسب نوع وحجم المشكله ....... ومب كل مره بهالاسلوب

اذا زعل بسيط وعادي ماشي اي مشكله ... وسبحان الله هالشي لو صار غصبن عنج ومب ف رغبتج

وتحتسبين الاجر عند الله تعالى ..... الله يكبرج في عين زوجج ويحببه فيج ......

مادري هذا رايي الشخصي يمكن يكون صح او غلط

والله معاك حق شي ينرفز

ياحلوه ياغدير
اذا اتنهى من الجماع وفيه مجال للنقاش ناقشيه
واذا من النوع اللى مايناقش
خلى جماعك معاه عادي مو زي وانت راضيه واكيد هو بيعرف انك زعلانه
ثانى شي في بعض النساء ممكن ترضى بسرعه ويعجبها هذا الامر يعنى كل شخصه وطبيعته وشخصيته
وثالث شي بعضهم يطلعك غلطانه ويتجه للطريق الاخر
بس ياحبيبتى لاتزعلين نفسك وتعصبين وهدي هدي ....

اهلين اخواتي لاا زم قبل الجماع بوسه بوسة الا عتذار

ياقلبي هولا هم صنف الرجال وبعض منهم هو من يهجر زوجته حتى لو كان هو الغطان يعني شين وقوي عين بالله الي عندها حل او اسلوب صحيح لا تبخل علينا

موافقة على كلامك مليووووووووووون بالمية

فعلا احس اذلال للمرأةبصراحة اذا زعلني احبه يراضيني بالكلام الهادئ وتبرير الخطأوبعدين ياخذني يمشيني على الكورنيش وله اللي يبي بس احس لازم الزعل بعدين المراضاه سواء مني اومنه:dunno:

السلام عليكم

اشكر ردودكن الطيبة

انا اعلم انه على الزوجة الطاعة وهذا امر مفروغ منه
ولله الحمد ما نقصر من هذي الناحية

بس الرجل لازم يشعر بانه المراة الي جدامه مب قاعد يطبق عليها نصوص الدين!!!

هي انسانة عندها مشاعر يعني هو ظلمها ويوم يريد منها جماع قال حقي الشرعي يعني غصب
والجامع سكنى بين الطرفين

فالقصد لازم هناك تنبيه من الزوجة او اي شئ المهم انه ما تنظلم بهذي العملية وهي زعلانة ...


دائما اييني شعور بالاغتصاب وانه هالانسان حجر ..!!!!!

فاستغرب منهم

يعني اوقات الزوج يبى زوجته تسوي له كل الحركات وهم زعلانين اي انسان جي يسوي؟؟

ما يفرقون الرجال ما يقدرون من انفسهم يراعون هالنقطة ؟
ما يفكرون انها مجروحة وفوق هذا يزيدها؟؟!!


استصعب فكرة الاعتذار بهذي الطريقة

السلام عليكم أول مرة أشارك وكل الردود صح 100 0/0 و انا شخصيا مؤيدتهن ويعطيكن العافية مششششكورة

والله مشكله 000بس تدرون ليه يجامعك يحسب هذي الطريقه اللي ترضيك 00يعني يحسبوننا ميتين على الجماع
وتلاقينه بقلبه يقول خلاص كذا بترضى

قسم باللة ودي اسوي اخدوووووود وش طولة وكل وحدة تجيب الرجال اللي قاهرها وتقطه يحترررق واولهم زوووجي

دائما اييني شعور بالاغتصاب وانه هالانسان حجر ..!!!!!


هونيها وهي تهون,
عاد ما لهذه الدرجه,
لا تنسي أنه أحيانا يكون الشخص الي قدامج ما عنده أسلوب أعتذار,
أو في باله انه مهما كنتي زعلانه عادي أنه يأخذ حقه الحين ,
انتي أرضي على كيفج بعدين,
حبيبتي لا تزعلين نفسج ترى الناس طبايع,
كوني أيجابيه علشان ترتاحين في عيشتك,

احلى طريقة يراضيني فيها بس بدون مايبوس ...ككككككككككك اذا معصبة خل يجامعني بس لا يبوسني اتنرفز زيادة

صدقيني هالشي احسن من اشياء كثيرة ممكن تصير
احسن من انه يغلط عليك ويهجرك ..صح ؟
احسن من انه يغلط عليك وما تعطينه حقه وبعدين
يشبع نفسه بنفسه او يدور على غيرك عشان سوء تفاهم .. صح ؟

انك تعطينه حقه شي واجب الاسلام حث عليه وله حكمه
عشان بعد ماتنقهرين من التوابع اللي بتصير لو ماعطيتيه ..

وبعدين فيه اخت هنا اعجبتني كلمه قالتها ,, قبل الجماع فيه بوسة الاعتذار ..
انا ترى مثلك انقهر لما اكون زعلانه ويجي ببكل بساطه ياخذ حقه
وانا ؟؟ اقدر ابين اني مو زي كل مره .. اقدر اتغلى شوي ..
اقدر احس انه بالرغم من كل شي يظل محتاجني انا ..
وياحبيبتي لازم تشوفين الناحيه الايجابيه من كل شي ..
لا تشوفين انه اغتصاب وانتي عارفه انه طريقته بالاعتذار
ولو مايحبك ماقرب صوبك ...
واقول لك شغله صغييره ,, انا لما يصير هالشي وانا زعلانه
اضمه بقوووووه واخلي دموعي تنزل بس بدون مبالغه
اطيح الحره اللي فيني الوضع عندي كأنه يضمني ويراضيني
ماكأنه يغتصبني ..

ردودكن طيبة

وانا فكرت فيها
وخففت حدة التنرفز من هالموضوع

بس تعلمت اني اساله بعد ما نخلص

اقول له هل عجبك ؟؟!!

طبعا ما يعلق فاكمل وبهدوء انا انسانة احزن وازعل فلا تتوقع اني الة ارجع اشتغل بكل قوة وابتسم واضحك

اذا حاب انه الامور تكون مثل ماتبى عيل فكر قبل لا تغلط بحقي او اقل القليل اعتذر او حسسني انه مهمة عندكم فتتاسف


وهذا امر بسيط


فاتوقع انه مبدا الجزاء من جنس العمل ينفع
اذا زعلني ما استانس معاه بالجماع بس اذا راضاني اخليه يموت من الوناسة <<<<<< ههههههههه


يسلمو ع الرد