زوجي مسافر وانا زعلانة وهو زعلان

أسئل الله العظيم ان يفرج لك

ياعسل .....عليك بالاستغفار,ربي يفرجها عليك
لان انساك من الدعاء ان شاء الله .............
حاسه فيك ياقلبي.

حبيبتي تعوذي من الشيطااان وارسلي له رساله قوليله انك مشتاقه له

وانك غلطتي وماراح تسوينه مره ثانيه وانك ماتحسبيه بيزعل كذا

واعتذري منه باسلوب حلو ولو رجع من السفر وجالك بيت اهلك روحي معاه على بيتك

ولما تشوفيه هادي بيني له انك ماخذه على خاطرك منه على منه وانك لو ماتحبيه ماكان

رجعتي للبيت وتناسيتي اللي صار وتدلعي عليه حبتين وصدقيني راح ينسى الزعل ويمكن

كمان يراضيك

شوفي حبيبتي تعوذي من الشيطان
انتي غلطتي خرجتي من غير اذنه وله حق يزعل
ابدي انتي واعتذري منه لا تقولين وكرامتي بين الزوجين
مافي كرامه دقي عليه وكلميه بدلع خليه يذوووب
وصدقيني الدنيا ماتسوى ولو صارله شي الله لايقوله
راح تندمي طول حياتك
حتى لو مارد عليك ارسليله رساله فيها دلع
والله بناااات الحرام كثرو
وانتي وشطااااارتك

ياعزيزتي تعوذي من الشيطان وهو معه حق من ناحية الأستئذان المفروض تستئذنين منه هو لانك اصبحتي على ذمته
وصدقيني الرجل ما يتعاند ولا تبدين حياتك بعناد المفروض انك تحسيسنه برجولته وانه له قيمه عندك
ارسلي رسالة تعبر عن شوقك له وانك محتاجته ان يكون قريب منك في هذي الأيام من دون ما تجبين طاري زعل
والله ييسر امرك ويقومك بالسلامه

حبيبتي انتي غلطانه وريلج زعلان مو لانه ما يحبك لالا بس يبي يادبج عشان ما تعيدينها وبعدين انتي لا تطولينها وهي قصيره اذا تقدرين روحي بيتك واستقبلي ريلج وهو اذا شافج بينسي كل شئ واذا ما تقدرين ارسلي له رساله وقوليله انا مشتاقه لك وفي انتظار رجعتك لي والله يصلح الامور

انتي غلطتي يوم قلتي له استاذنت من ابوي

لانك ما اهميتي لرأيه واستاذنتي من ابوك وانتي لك زوج مسؤل عنك

ترى هالشي كبير مررررره عند الرجال

مثل ماقالت اختي اذا تقدرين تروحين بيتج وتستقبلينه طبعا مع العطورا وريحة الدخون والكلمه الطيبه بينسى كل شي وخليه يعاتب ولا تقاطعينه بعدين صدقيني اهو بيرضى وبينسى السالفه

الله يصلح مابينكم فعلا كل كلام الاخوات صحيح

تراك غلطانه

إذا تقدرين إتردين البيت ردي واتسنعي حقه والبسي شي يناسب لا عاري ولا امستر وقولي هذا الدعاء :" يا ولي نعمتي وملاذي عند كربتي إجعل نقمته بردا وسلاما عي كما جعلت النار بردا وسلاما على إبراهيم "
وأكثري من الاستغفار والدعاء بأن الله يصلح الأمور ونصيحة حطيها حلق في أذونك مدت البوز ما من وراها فايدة حلاته الغنج والدلال إذا قال الحليب أسود قولي أسود .

الموضوع قديم من سنة تقريبا