من تأيد الرسمية ...مع اهل الزوج ؟؟

نعم انا مؤيدة للرسمية
الله المستعان الناس معد هب مثل قلوب اول الحين اي كلمة تنفهم خطا واي تصرف خطا قلوب الناس اول صافية وطيبة والحين تغيرت واول الناس من صفائهم عادي عندهم يدخل القريب والبعيد بيتهم باي وقت الحين صار التكلف طاغي على العلاقات واول حياة الناس صفحة بيضاء الكل يعرف اخبارك وعلومك الحين حياة الناس اسرار وخصوصيات ادق الدقائق صارت اسرار

حتى علاقات الخوات والاخوان صارت رسميات واسرار فمابالك بعلاقة وحدة باهل زوجها على قولتهم ياخال ابوي حك ظهري يعني بعيييده

شوفي يا قلبي بالنسبه لنا مع زوجة أخوي
أولا محسنين الظن فيها ومن أول ما تزوجت أخوي معاملينها كنها وحده منا
نكرمها ونحترمها وإذا زارت بيت أهلي حنا البنات وحنا متزوجات نقهويها ونقدرها
وإذا ولدت نوقف معها ونبيض وجهها ولا نتدخل بخصوصيتهم نهاااائي
وهي بنت الحلال الحق ما جاء منها قصور ولا عمرنا شفنا منها إلا كل خير
الله يسعدها ويوفقها ..... متربين يا ربي لك الحمد على الإحترام والوالده تعتبرها
بنت لها الله يحفظها ....
وبخصوص أهل الزوج عن نفسي كنت مطيحه المياااانه ومتعامله بالطيب مع الصغير
قبل الكبير بس أنفهمت غلط وصار فيه تجاوزات غير منطقيه
بعدها تعاملت برسميه بحته بالمناسبات أبارك وآهني
ولي يتعامل معي بالطيب أصير أطيب منه ولي تحاول تغثني أتجنبها تماما وأخليها
صفر ع الشماااااال والحمدلله بعد الرسميه كلن إحترم نفسه وعرف حدوده

مدري انا مااحب الرسميه زياده عن اللزوم حريم اخواني زي اخواتي
ونحب نجتمع ونسهر عند بعض وانا كذلك مع اهل زوجي وكل سلايفي..

2مؤيدات الرسميه .حلو

وانا بعد مع الرسميه
كثرت القيل والقال ماوراها الا عوار الراس وخراب البيوت