مشكلتي في شخصيتي~الله يفرج همها الي تساعدني

انا انتظر وقت الراتب عشان يحول لي مصرووف
مشكوره ع النصيحه

رفع

لازم تحبين نفسج عشان تصيرين قويه الشخصيه وبالبدايه بتحصلين مدافع بويهج بس حاولي تتفادينها اولا احب اقولج حاولي تغيرين شكلج ستايلج لبسج كشختج سوي نيو لوك ولوك تحبينه هذا عشان يقوي ثقتج في نفسج بعدين يوم بتلبسين وبتكشخين صدقيني 40 بالميه من الضعف الي فيج بيروح ان شاء الله ثانيا حاولي تغيرين طريقه يلستج ومشيتج ولغتج الجسديه غيريها بالبدايه شوفي نفسج بالمرايه وشدي ظهرج على داخل وابتسمي ابتسامه حلوه وابدئي كلمي نفسج وسوي حركات بايدج حلوه وشوفي شو الحركات الي تخليج جذابه وتدربي يوميا ... ثالثا اقري واتثقي بكتب او بالانترنت بقصص بمواقف حلوه ومعلومات مفيده بتلقين سوالف مع اهلج وزوجج ... رابعا حاولي تسوين صداقات تسيرين جيم علشان تستويلج مواقف وتغيرين جو واتخوزين الطاقه من جسمج وصدقيني بتحسين براحه عجيبه وبتلقين قصص تخبرينها الناس ... خامسا اذا تكلمتي مع احد وهالشخص دوم يجرحج قولي في قلبج انا قويه انا اقدر اواجهه وسولفي واضحكي ولو جرحج حاولي تبينين انج ما تاثرتي واضحكي وطنشي او سوي نفسج ما سمعتي وصدي صوب شخص ثاني وقوليله سالفه تذكرتيها فجاه صدقيني بينقهر هالشخص وبيحاول ما يجرحج واذا جرحج والا قال شيء قولي سبحان الله توني ادري او جزاج الله خير في ميزان حسناتج واذا حسيتي انج بتصيحينحاولي تتخيلين شكل هالشخص وفيه اذن ارنب طويله بيروح الزعل منج وبتضحكين .. بالتوفيق اهم شيء حبي نفسج ودلعيها

فعلا لازم تحبين نفسك اعتبر نفسك طفل شفتى الناس كيف تتعامل مع الطفل المرتب الجميل الي أمة وأبوة يحبونه كلن يبي يشيلة ويبوسة ويدلعه وشوفي كيف الناس تتعامل مع الطفل المشرد او اليتيم أو الضعيف محد يبية بالعكس يشوفونة هم وعالة ومحد طايقه
انتى تصنعين قيمة نفسك اجلس مع نفسك واستثمرية فيها تثقفي اقري كتب بتطوير الذات خطط لنفسك خليكي أنانية بحب نفسك بس بحدود
واحشمي نفسك خليكي غامضة لا تتكلمين بكل شي ولا تقلطين بكل عزومة اشتغلي وانشغلي بنفسك
ادرسي وتوظفي ولا تحطين لنفسك حدود حطي لك أهداف مكتوبة لكل ثلاث شهور
شوفي انسانة تعجبك وسوي مثلها العلم بالتعلم وأقرب طريق للوصول المحاذة
وانا اختك جربت كل الطرق مالقيت شي يصقل الشخصية ويفتح العقل مثل القراءة اليومية

وشغله مهمة وأهم شي تبطلين الكلام السلبي مع نفسك لأن عقلك الباطن يصدقة
اقري عن موضوع اسمة التوكيدات وهو انك تقولين لنفسك كلام مشجع حتى لو مو حقيقي مثلا تقولين لنفسك كل يوم انا قوية وكرريها حتى لو مو مصدقتها هذي تشتغل على الا وعي وتغير شخصيتك