السلام عليكم
كان بودي اطرح الموضوع بقسم قضايا وحلول بس يطلعي لاتملك الصلاحية
الله يخليكم مشرفات لحد يحذف الموضوع
يا بنات بقولكم مشكلتي
انا و زوجي كل يوم مشاكل بمشاكل وانا متحمله وصابره
من ادري من فين ابدآ لكم حياتي مع زوجي
بس بحاول أختصر قد مااقدر
اتزوجت عن قرابه زواج تقليدي مُفآجأ مو من زمان
بعد تردد وحيره كبيره وافقت
وتمت الملكه والزواج بعد فتره ليست بقصيرة
واجهت كثير مشاكل في الخطوبه وكنت مااقول لأحد واخليها بيننا
كآن زوجي يكن لي مشآعر حب وعشق ,, للأمانه ,, أكثر مني
اما انا فكنت اراه كخطيب وليس عشيق يعني مشاعري عاديه
وكنت مؤمنه اني مع الايام والعشره أكيد راح احبه
تزوجنا ومن البدايه بدت المشاكل وسمعني أسوء الكلآم
انا بعترف بحاجات انا لساني شويآ وعصبيه وماامسك نفسي يعلى صوتي اذا عصبت
وهوا كان عارف كل هالحاجات لاني قلتله معليش اعذرني لو حصل وحصل بيوم من الايام
تراه طبع وراح احاول اقلل منه
قال افا عليك لا انا متفهم لوضعك وراضي فيه
الموهيم اللي صار وقلب حياااتي وخلني بس شاحبه ورايحه فيها ومكشره واليأس مسيطر علي والتحطيم ملكني
كلآمه اللي كان زي الصآعقة على قلبي
من ثاني اسبوع بزواجنا
واجهتني مشاكل من بعد اول ليله ,, صابني نزيف بسيط الله يكرمكم بعد كل جماع والمنطقة تكون ملتهبه بششششكل فظيع جداً والآلام بالبطن شديدة واقعد اتنكد وابكي لان الالام ماتوقف ويوم بعد يوم والحاله مستمره يجامعني وانا صياح ومتنكده ولا يرحمني ,, رحت المستشفى وعاملوني اسوء معامله وانا قاعده ابكي واصارع الالام
كتبت لي الدكتوره علاج أي كلام بدون كشف ولا شي
واخدت من الادويه ولا فادتني بشي النزيف وقف بس الالتهاب والآلام البطن مستمره
يوم كنت ارفض اجامعه واقوله مااقدر يعصب ويقعد يدعي علي ويقول ياريتني مااخذتك الكلام اللي ماتحملته ونزل علي زي الصاعقة واحنا لسى بثاني اسبوع قال : اصبري علي اسدد القرض لو مااتزوجت عليكي مااكون فلان ...
انا انصدمت ماني مصدقه قلت له ايش قال اللي سمعتيه
تصدقون مااستوعبت الا بعد ساعه رحت بغرفه وقعدت ابكي واصيح من قلبي بصوت خافت عشان محد يسمعني
اقول بعقلي ليش طيب ؟
بس عشان المشكله هادي اللي مريت فيها يسمعني هالكلام ؟
ماعندهم صبر لهالدرجه ؟
وقعدت ابكي واتحسف على لحظة يوم قلت اني موافقه قعدت اتحسف على الايام اللي مافرحت فيها قبل من قلبي قعدت افتكر كيف كانت حياتي وايش صارت الحين !!
قسم بالله يابنات من كثر ماني محرووووقه وابكي بقهر بصوت واطي قلبي خللالالالاص حسيتو بينتهي صار يوجعني يوم بعد يوم وتزداد الالآم
ويجي يسوي حركات سخييفه وتافه زي مثلاً اتناقشنا مره في موضوع واختلفت معاه اروح المطبخ او أي مكان ارجع القاه ساحب بطاريات الجوال وراميهم ليا كدا
او يحبسني بالبيت ويمنعني من اهلي او حتى في العماره وياويلي لو فتحت حتى شباك
يوم حلو ويجي يدلعني ويكون حنوووون بشكل وطيب لدرجة مااصدق عيوني
و10 أيام اخس واسوء شي من معاملة ومن كلام يالطيف
والشي اللي يحرقني اكثرررر
انو يشوف التلفزيون ويقعد يقارن او يمدح ويدق بالكلام < هالشي ناادراً يعني مايسويه
بس والله حرقته تقعد بقلبي ولا انسى كلامه الجارح بعد مايروح الدوام اقعد ابكككككي وابكي وافرغ كل الثقل اللي على قلبي
مااكل ولا انام على امل اصحى وانا بالمستشفى
اخد 5 او 6 حبوب على امل ادوخ ويلاقوني اهلي او اهلو بالمستشفى وبدون مااتكلم يعرفو انو هوا السبب
بدون مااتكلم او افضفض او اتشكى
نفسي احد فيهم يفهم اللي بيننا وكيف علاقتنا وكيف يعاملني
الكل يحسبني عايشه بسعاده معاه
يشهد ربي اني اشوف يوم او يومين حلوه والباقي قسسسم بالله سُم اشربه واغطي عليه قدام الناس وامدحه واضحك ومحد داري غير ربي اني مييييته حُرقه وقهر
يقولي آه لو انك بجمال هادي مااخليك ويأشر ع اللي بالتي في واقولو ربي معطيهم الدنيا لإنها فانيه واحنا لنا الجنه ان شاء الله ,, وبعدين مو انا اللي خلقت نفسي وانا راضية بخلقة ربي
انا شكلياً يا بنات مُتقبله
سماري برونزي حلو مو غامقه ولا فاتحه بس المشكله بالركب واليدين والمنطقه وغير كدا في حاجه مضاايقه زوجي بشكل فظيع وكل دقيقة وهو يقولي ليش ماتهتمي وايش هادا ويقعد يعيب ويتضايق اللي هيا الخطوط البيضا اللي تطلع بعد ماالجسم ينحف او يتخن انا نحفت فتره وطلعت بكثره على خصري وسببت حولها سواد
بس يبغاها تروح وجنني فيها وربي يابنات اني قعدت سنه كامله وانا استخدم كل حاجه تنكتب بالنت كل خلطه كل كريم كل شي يقولولي عليه الناس الين ماكرهت جسمي وكرهني فيه زوجي بعدين
اقعد ابكي بحرررررقه وانا بالحمام الله يكرمكم واقول ايش ذنبي اذا ربي خلق لوني كدا اشوف الأجانب اتمنى بياضهم الصافي ,, اتمى رشاقة اجسامهم ,, لون عيونهم ,, شعرهم الاشقر
عشآن اعرف اعيش مرتآحه
عشان ارضي زوجي
عشان اثق بنفسي اكثر ويرتاحو لي الناس
عشان لوني يعجب امي اللي عقدتني فييييييه وكانت تضحك علي وتقولي انتي مرا سمرا وابويا اللي ماحب لوني
بشرتي اغمق من اخواتي وامي بيضا
اعذروني دخلت بالتفاصيل بس عشان اوصلكم ابسط قدر من معاناتي مع زوجي
آآآخ ياربي يابنات عمررري ماعيبت على خلقة احد ا واني ماامشي مع فلانه لانها سمرا او ماتهتم بنفسها او لانها تخينه ,,,, < تفكير اغلب بنات الجامعه اللي معايا كدا المظهر اهم شي عندهم
زوجي
برضو اسمر وفيه عيوووب كثيره....
بس عمري مالتفت لعيوبه او قعدت اعيب عليه الا لمن عيب علي فتحت عيوني وشفت اشياء كثيره
بس مااهتميت اللي يهمني مدام انو نظيف ويهتم بنظافته وصلاته مالي بخلقته او لونه
قعدت اعاني اسبوعين من الحاله حقت الالتهاب وبعدين اختفى
وتخيلو من ثاني شهر كل اسبوع ايجيب لي اختبار حمل والنتيجه سالبه وبرضو متفائل
لمن جاتني الدورة زعل مرا قال اتوقعتك حملتي
قلتله لسا احنا بالبدايه
والشهر الثالث اتأخرت علي الدورة تقريبا 10 ايام واتوقعنا حمل برضو
مااهتميت ونفس الشي يجيب اختبار الحمل والنتيجه سلبيه قال حطمتيني وصار عصبي من هاداك اليوم ويقولي لازم نروح نكشف وكل شويا يفتح موضوع ليه ماحلمتي واقولو ماادري يمكن في اسباب الله اعلم بس اغلب اللي يتزوجو كدا بالبدايه
سار يوسوس ويقول انا حاس انك تاخدي حبوب منع او اخواتك يعطوكي اعشاب ماتخليك تحملي انا انصدمت وقعدت اضحك قلتلو وربي مااخدت شي ايش التفكير الغبي هادا
وبعدها بكم يوم بعد الجماع نزلت افرازات قطع صغيره يعني جامده مو سايله زي دايمن صرخ علي وقال والله انك حاطه شي واخواتك قالو لك عليه اعترفي وقعدت احلفلو اني ماحطيت شي لو تدرو ماصدق قمت اغتسلت وجبت المصحف قدامه وحلفتلو وبرضو زعلان ومعصب ويهدد مافي روحه لأهلك والله لايسامحك لو حاطه شي وطلع من البيت
وانا خلااااااص وصلت معايا وقعد ابكي ومتنكده لحد ماجا بعد ساعتين ولا عبرني
دخل وسكر الغرفه ونام جلست ابكي للصباح ولاطايقه حاجه وربي احترررت ايش اسوي وكيف اتصرف
ولمين اقول وافضفض قعدت ادعي ربي لو كان هادا اختبار وهادي المشاكل اللي انا فيها دحين لي غفران فيها على ذنوبي راح اصبر واتحمل
اللي يحرق الدم يابنات
انو اكبر مني بعشر سنين ويعيب بعمري ولااااعاجبه
يقول آآآه قهر ياريتني اخدت وحده صغيرة
انا عمري 22 دحين
وربي حسسني اني اكبر منو ب 20 سنه انا هنا اتحطمت لما قالها خلاااااااص اتمنيت الارض تنشق وتبلعني
ماادري ادعي عليه او ادعي ان الله يشفيه او اروح اموت
يعني ايش الظلم هادا
ليييييييه ياابن الناس مدام تبغى زي كدا !!
ليه جيت اتقدمت لي ؟
ليه ماقولت لاهلك عن طلباتك واللي تتمناه ؟
ليه لمن شفتني بالشوفه مارفضتني ؟ ليه ماانفصلت عني ايام الخطوبه اللي كانت 6 شهور ؟
وربي يابنات اني يوم الشوفه لااتمكيجت ولا خدعتو كل اللي استخدمتو كحل وروج وايام الخطوبه مكياج مررررررا خفيف وبعض الاحيان اقابلو بدون مكياج
وكان عاجبو ومررررا متعلق فيني
ليشس انقلب ؟؟
ليش دحين بالذات طلع اللي بقلبو
يتمنى بنت عمرها 16
يتمناها بيضا زي الاجانب وبرشاقتهم وجمالهم !!!!
والله صدمه
وربي صدمه
والله اني اكتب لكم ودموعي بعيني
مو عااااااارفه اتصرف
امي وابويا وحماتي وعمي كبار بالسن ماراح يتفهمو ولا اخواتي او اخواتو ماادري ايش اسوي
مو قادره اتحمل تهديدو لي كل دقيقة انو راح يتزوج وحده اصغر مني واحلى
انا مااتحمل اشوفو مع أي احد غيري وانا معاه انا قلتلو هالكلام وانا ابكي بقهر
قلتله زي مادخلنا بالمعروف نخرج بالمعروف تبغى غيري ارض الله واسعه بس انا مستحيل اعيش معاك اتأكد من هالشي حتى لو خلفنا ماراح يكون بيني وبينك أي رابط غير بزورتنا وهوا يقول لا انتي الكل بالكل ومحد يجي زيك وانتي اللي راح تخطبيها بنفسك
يابنات الافظع من كدا اني مرا اتخاصمت معاه ايام الخطوبه وحلف لي على المصحف الشريف انو مايتجوز وانا بحياتو ودحين كلامو متغير ولما افكرو يقول عادي اسوي الكفاره
وامس انا وهوا متزاعلين جا من الدوام ويقولي غيرو اللي الدكتورات عندنا صارو يجيبو اجانب
وفي وحده جننت كل لااللي بالدوام وخبرها في كل الأقسام انها اجمل وحده ومحد شاف بجمالها يقول روحت ادرو من قسم لقسم عشان اشوفها بس مالقيتها .... << يتكلم وهوا مبسووط
انا سكت وبعدين قلت له طيب انتا متزوج مافكرت فيآ ! ماتخاف يجي يوم واحد يطالعني
قعد يضحك قهرررررني
وكل ماشاف وحده حلوه بالتي في يقعد يقول آآآآه بس
انا ليا يومين وانا نكد بنكد وقاعده ابكي واصيح واخر شي ماقدرت اتحمل برودة اعصابو وقسوته
قلت له وانا ابكي بقهر ليه اتقدمت لي ؟ ليه ماقلت لي هالكلام وقت الخطوبه ؟ خلاااص حرام عليك لو بتستمر بعذابي طلقني !
قال اصلاً بسببك وبسبب اسلوبك مشاعري صارت اتجاهك عاديه وماصرتي تهميني زي اول
خلآآآآص انا عفتك
انا انصدمــــــت وقعدت ابكــــــي عنده قام دفني وقلي لاتبكي عندي روحي برى
!!
وقسم بالله يابنات اني قعدت ابكي بالمطبخ 3 ساعات ولا جا طل عليا ولا شي
وبعدين دخلت الحمام بغسل وجهي وطالعت شكلي بالمرايه وتنكدت وقعدت ابكي واصيح بصووووت عالي بحُرقه من اعماق قلبي لين خلاااااص ماحسيت ان قلبي مو قادر يتحمل الالام ضاغطه عليه بيدي وقاعده ابكي واقول ليييييش ياربي ليييش كل هالعذاب ! ميتى امووووووت وارتاح منو
ويسمع صوتي وانا اصيح بصوت عالي من قهري كان أحد ميت عندي او طفل مصروع يبكي
هادا كلو ولاااااجا طل عليا وربي 5 ساعات وانا ابكي وابكي لين والله قعدت ملابس اللي عليا اخر شي
لأني ماادري لمين اروح وكيف اتصرف ولمين افضفض من الصدمه
هادا كلو نقطه بحر من معاناتي مع زوجي
ايش الحــــــل تعالو قولولي في أحد صارلو مشاكل ؟
في رجال زي زوجي ؟
ابقى معاه ولا من دحين اطلع من حياته مرررررا تعبت معاه مراااااااااا