محاتجه مساعدتكم ؛ خطيبي يكره خجلي منه جداً
السلام عليكم
بدخل بالموضوع على اولا طول انا مخطوبه ومملكه من شهرين ونص زواجي بعد شهرين
اسفه بطول عليكم بس بقول لكم مشكلتي بالتفاصيل عشان تكون واضحه واستفيد منكم اكثر
الزبدة ؛ خطيبي يحبني كثير وانا بعد احبه والحمدلله ،
اليوم سجلت بهالمنتدى عشان اطرح لكم مشكلتي اللي من بداية فترة ملكتي الى الان
وهو الخجل وبصراحه خطيبي حيل يحاول يجرئني قدر الامكان بس انا تطوري بطيء من هالناحيه..
المشكله الان هي ؛
انا بالكتابه ومحادثتنا بالواتس اخذ راحتي معاه بالكلام الحلو والسوالف وصرت اتغزل فيه ويتغزل فيني بدون حواجز وخجل بس المشكله اني لما اسولف معاه بمكالمه الصوت اوكي اخذ واعطي واسولف واضحك معه, بس لما يتغزل فيني بمكالمه الصوت او يجي البيت ويقول الكلام قدامي استحي بس احاول ارد عليه بكلام مناسب وحلو بس بعدها لما يقولي كلام مقصده ان انتي قولي اللي عندك "قصده من كلام غزل" وانا هنا ينعقد لساني واسكت ويقوم يعاتبني ويزعل كثير ويقولي هذا انا كلشي بخاطري اقوله لك واعبر لك عن حبي انا بعد ابي اسمع منك كلام حلو واللي بخاطرك لي ,انا ما اقول لكم اني ما اسمعه كلام حلو ابد بس كلامي مو مثله يعني لما اكلمه صوت بس اقوله مثلا "اشتقت لك ، احبك ، اموت فيك" وبس
.
.
بذكر لكم موقف صار لي قبل شوي وهو اللي خلاني اسجل وانزل مشكلتي
كنا نسولف صوت وامورنا تمام ولما بدا يتغزل استحيت كالعادة بس قمت ارد عليه بكلام حلو وكويس وانا مستحيه ولما قالي يلا انتي شنو بخاطرك لي هذا انا قلت لك من اللي بخاطري لك
وفجاة حسيت انعقد لساني مو عارفه انطق كلمه حلوه وحده
بعدها فاخ وقام يعاتبني ولمتى وانتي ماتعبرين وان ماباقي وقت وتخلص الملكه وانتي للحين عندك هالحواجز والخجل واني زوجته وانه بدا يطفح الكيل عنده وقالي والله شكله هذي عادة عندك ولا راح تتغير الله يعين وانا اسمع كلامه وارد عليه ب حاضر وان شالله..
بعدها قالي تبين شي؟ قلت له سلامتك وسكر المكالمه
احس ان الموضوع جد هالمرة خلاه يعصب لان اول مرة يكلمني كذا بعتاب قوي وسكر على طول
وبعدها ظليت جالسه فترة بعدين فجاة دق ورديت وقالي مانمتي؟ قلت له لا.. قالي متضايقه مني؟ قلت له متضايقه عشانك مو منك بعدها قالي انه مايبني انام وانا متضايقه ومن هالكلام وقلت له ان شالله اخر مرة اضايقك فيها قالي انتي فكري باللي قلت لك اذا ماتبيني اتضايق وتراضينا ع السريع وسكرنا
الزبده؛ ابيكم تساعدوني كيف اقدر ابادره انا بالكلام الحلو واشيل حاجز الخجل والحيا اللي كارهه ومضايقه ابي لما يجيني للبيت ودي ادلعه و انا اللي ابادر وامسك يده بدون مايمنعني حاجز الخجل وهو قايل لي اخر مرة جا انه وده يجي يوم ان انا اللي مسك يده او احضنه بنفسي مو لازم هو يجي ويسوي هالاشيا قبل،ابي اعرف كيف ادلعه من جميل النواحي مابي اقصر عليه بشي لانه هو مو مقصر علي بشي والله احس بالذنب لاني مو قادر اعيشه فترة الخطوبة اللي يبيها بسبب حيائي صحيح ان خطوبتنا مو كلها نكد بالعكس بس لازم كل شوي يعاتبني بسبب خجلي منه ابغى اشيل هالخجل اللي مخرب الجو وابي اتعلم كيف ابادله الكلام الحلو هو يعجبه كثير كلامي بالكتابه ويبغى يسمعه بصوتي بس احيانا ينعقد لساني وماقدر انطق ولا كلمه من الحيا??.. و ودي تعطوني افكار حلوه ولطيفه لفترة الملكه سواء من حركات او كلام وغيرها اللي تسعد الطرف الثاني وشكرا انكم قريتوا هذرتي الطويله هذي اعذروني ع الاطاله واتمنى اي وحده عندها فائده ولو بسيطه ماتبخل علي وشكرا مرة ثانيه
بدخل بالموضوع على اولا طول انا مخطوبه ومملكه من شهرين ونص زواجي بعد شهرين
اسفه بطول عليكم بس بقول لكم مشكلتي بالتفاصيل عشان تكون واضحه واستفيد منكم اكثر
الزبدة ؛ خطيبي يحبني كثير وانا بعد احبه والحمدلله ،
اليوم سجلت بهالمنتدى عشان اطرح لكم مشكلتي اللي من بداية فترة ملكتي الى الان
وهو الخجل وبصراحه خطيبي حيل يحاول يجرئني قدر الامكان بس انا تطوري بطيء من هالناحيه..
المشكله الان هي ؛
انا بالكتابه ومحادثتنا بالواتس اخذ راحتي معاه بالكلام الحلو والسوالف وصرت اتغزل فيه ويتغزل فيني بدون حواجز وخجل بس المشكله اني لما اسولف معاه بمكالمه الصوت اوكي اخذ واعطي واسولف واضحك معه, بس لما يتغزل فيني بمكالمه الصوت او يجي البيت ويقول الكلام قدامي استحي بس احاول ارد عليه بكلام مناسب وحلو بس بعدها لما يقولي كلام مقصده ان انتي قولي اللي عندك "قصده من كلام غزل" وانا هنا ينعقد لساني واسكت ويقوم يعاتبني ويزعل كثير ويقولي هذا انا كلشي بخاطري اقوله لك واعبر لك عن حبي انا بعد ابي اسمع منك كلام حلو واللي بخاطرك لي ,انا ما اقول لكم اني ما اسمعه كلام حلو ابد بس كلامي مو مثله يعني لما اكلمه صوت بس اقوله مثلا "اشتقت لك ، احبك ، اموت فيك" وبس
.
.
بذكر لكم موقف صار لي قبل شوي وهو اللي خلاني اسجل وانزل مشكلتي
كنا نسولف صوت وامورنا تمام ولما بدا يتغزل استحيت كالعادة بس قمت ارد عليه بكلام حلو وكويس وانا مستحيه ولما قالي يلا انتي شنو بخاطرك لي هذا انا قلت لك من اللي بخاطري لك
وفجاة حسيت انعقد لساني مو عارفه انطق كلمه حلوه وحده
بعدها فاخ وقام يعاتبني ولمتى وانتي ماتعبرين وان ماباقي وقت وتخلص الملكه وانتي للحين عندك هالحواجز والخجل واني زوجته وانه بدا يطفح الكيل عنده وقالي والله شكله هذي عادة عندك ولا راح تتغير الله يعين وانا اسمع كلامه وارد عليه ب حاضر وان شالله..
بعدها قالي تبين شي؟ قلت له سلامتك وسكر المكالمه
احس ان الموضوع جد هالمرة خلاه يعصب لان اول مرة يكلمني كذا بعتاب قوي وسكر على طول
وبعدها ظليت جالسه فترة بعدين فجاة دق ورديت وقالي مانمتي؟ قلت له لا.. قالي متضايقه مني؟ قلت له متضايقه عشانك مو منك بعدها قالي انه مايبني انام وانا متضايقه ومن هالكلام وقلت له ان شالله اخر مرة اضايقك فيها قالي انتي فكري باللي قلت لك اذا ماتبيني اتضايق وتراضينا ع السريع وسكرنا
الزبده؛ ابيكم تساعدوني كيف اقدر ابادره انا بالكلام الحلو واشيل حاجز الخجل والحيا اللي كارهه ومضايقه ابي لما يجيني للبيت ودي ادلعه و انا اللي ابادر وامسك يده بدون مايمنعني حاجز الخجل وهو قايل لي اخر مرة جا انه وده يجي يوم ان انا اللي مسك يده او احضنه بنفسي مو لازم هو يجي ويسوي هالاشيا قبل،ابي اعرف كيف ادلعه من جميل النواحي مابي اقصر عليه بشي لانه هو مو مقصر علي بشي والله احس بالذنب لاني مو قادر اعيشه فترة الخطوبة اللي يبيها بسبب حيائي صحيح ان خطوبتنا مو كلها نكد بالعكس بس لازم كل شوي يعاتبني بسبب خجلي منه ابغى اشيل هالخجل اللي مخرب الجو وابي اتعلم كيف ابادله الكلام الحلو هو يعجبه كثير كلامي بالكتابه ويبغى يسمعه بصوتي بس احيانا ينعقد لساني وماقدر انطق ولا كلمه من الحيا??.. و ودي تعطوني افكار حلوه ولطيفه لفترة الملكه سواء من حركات او كلام وغيرها اللي تسعد الطرف الثاني وشكرا انكم قريتوا هذرتي الطويله هذي اعذروني ع الاطاله واتمنى اي وحده عندها فائده ولو بسيطه ماتبخل علي وشكرا مرة ثانيه
اسم الموضوع : محاتجه مساعدتكم ؛ خطيبي يكره خجلي منه جداً | المصدر : العروس وليلة الـزفاف