!! مش حاسه إني مخطوبه


نشر بوساطة بص وطل في الجنوب ميديا يوم 10 - 05 - 2014



* * * *
جزاكم الله كل خير علي النصائح التي تقدموها لنا
انا مخطوبه من شهرين وباقيلي 3شهور علي الجواز خطوبتي كانت عن طريق جواز صالونات زي ما بيقولوا انا في البدايه ما كنتش موافقه بس همه كانو فراحنين بيه اوي ومتمسكين بيه وبعد ما رفضناه اتقدم تاني ف اهلي وافقو من يوم الخطوبه لدلوقتي وانا كل يوم ببكي بيجيني احساس ان مش هو ده الانسان اللي كان نفسي فيه هو لما بيكلمني بيبقي الكلام عادي في مواضيع عامه مش بحس منه اوي بالاهتمام او مش عايشه معاه قصة حب زي ما كنت بحلم . انا كنت قافله علي نفسي وكنت رافضه اعلق نفسي باي حد غير الانسان اللي يدخل البيت من باابه ويكون في بينا علاقه رسميه قدام الكل . هو في صفات كان نفسي فيها اخلاق بيصلي مش بيدخن جامعي اجتماعي بيحب الشغل جدا جدا جدا هي كل حياته شغل حتي الجواز ما كنش بيفكر فيه بس اهله هما اللي شجعو علي الجواز بس من بعد ما اتعرف عليه قالي اني ارتحتلك خالص وحاسس ان مستقبلي معاكي هيكون خير ان شاء الله وفراحن بيه كتير . وهو طبعا مش كامل فيه بعض العيوب بس ممكن التغاضي عنها . انا كتير بشعر بخوف شديد من المستقبل ببقي خايفه بعد الجواز اني اكون مش قابلاه لاني من دلوقتي وانا متردده هو مش وسيم والحكايه دي بصراحه مضيقاني شويه ايوه ان عارفه دي خلقة ربنا وانا والله دايما كنت اقول ان الراجل مش بشكله ابدا بس انا خايفه ان بعد الجواز ماكنش قابلاه وده هو الانسان اللي هكمل معاه باقي حياتي وفي حاجه كمان احنا ارقي منهم صحيح همه مرتاحين ماديا عننا بس احنا وضعنا الاجتماعي اعلي هو انسان متواضع جدا جدا جدا مابيحبش المظاهر والتباهي ودي حاجه كويسه فيه بس انا نفسي يعمل لنفسه برستيج ووضع بين الناس لما كلمته في الموضوع ده زعل مني وقالي مش بحب الكبرياء اوقات كتير بحس ان في اختلاف في التفكير مابينا ودي حاجه بضايقني لانه ساعات يفهمني غلط ويزعل مني . ملخص ده كله ان انا في حيره شديده جدا هيحصلي حاجه من كتر التفكير انا وامي اما أبي ف موافق عليه وشايف انه راجل ويشل مسؤليه بس انا في حاجات تانيه كان نفسي فيها في الانسان اللي هرتبط بيه مش لاقياها فيه اكتر حاجه في حكايه الشكل وحكايه الرقي وحاسه ان مافيش توافق شويه ما بينا ومش حاسه بفرحه وحاسه بخوف شديد من اللي جاي . ابي تعب مني كل يوم نتكلم في نفس الموضوع وهو يزعل ويضايق واخر كلام قالهولي ان أمامي فرصه اسبوع علشا ن اقرر اذا كنت استمر معاه او اسيبه . رجاء ساعدوني انا مش عارفه مالي انا محتاره جدا هو مش جازبني ليه اوي وبالتحديد مش مخليني احبه او اتعلق بيه واقول ماينفعش اسيبه بس بحس انه حبني بس مش عارف يعبر بالكلام انا بس من صحباتي اللي بيتخطبو كل واحده خطيبها بيقولها كلام حلو يخليها تحبه وتتعلق بيه وبتكون فرحانه بخطيبها اوي بس انا مش حاسه اني مخطوبه انا علي الحاله اللي انا فيها بقول ياريتني ما اتخطبت . انا انسانه ملتزمه والحمد لله بصلي وادعي ربنا دائما وكنت قافله علي نفسي عشان بعد كده ادي حبي كله اللي يستاهله انا مع خطيبي مش حاسه اني بحبه ولا اني بكرهه انا مش تافه بس كان نفسي لما اتخطب اكون فرحانه واحب خطيبي . مش عارفه اعمل ايه هو مواصفاته كويسه قليل لما نلاقيها في شباب اليومين دول لكن انا مش عارفه مالي خايفه اني استمر في العلاقه وبعد كده ما ارتحش بعد الجواز وخايفه انهي الموضوع واتندم عليه وتبقي دي للمره التانيه افسخ الخطوبه لاني اتخطبة قليها بحوالي شهر بس كانت الخطوبه حوالي عشر ايام وانهيناها لان عرفنا حاجات اساسيه كانو مخبينها عننا . رجاءا ساعدوني انا خبراتي قليله في الحياه لدرجه اني مش عارفه احدد مصيري وكل اللي احكي معاه يخليني في حيره اكتر قولولي اعمل ايه بالضبط تجاوبوني في اسرع وقت .
ولكم مني كل الشكر والتقدير .
صديقتنا العزيزة
.أشعر بمدى الحيرة التي تشعرين بها، فالأمر فعلاً محير، ولقد تسللت إلى قلبي حيرتك ولكني حاولت أن أتغلب عليها ، فتعالي ننظر للأمر بهدوء ونأخذ مشكلة تلو الآخرى
أول مشكلة، أنت عرضتيها ونقضت نفسك بعدها، وهي زواج الصالونات، وأنك لم تكوني تعرفين الشخص، فقد عرفتيه عندما تقدم لخطبتك ووافقتي عليه ، ثم بعدها تحدثتي عن أنك كنت دائمًا تغلقين الباب أمام أي تعارف غير رسمي وأنك تفضلين أن تكون علاقتك بالشخص الذي ترتبطي به تحت إطار رسمي، وفي هذا الشأن أقول لك كم من اناس تزوجوا بتلك الطريقة وأصبح يضرب بهم المثل في الحب، فليست المشكلة في طريقة الزواج، فإي زواج لابد له من أسس تضمن له النجاح بعد التوكل على الله وهي: الدين والأخلاق، فالشخص الذي يتحلى بتلك الصفات تأمنين على نفسك معه كما قال لنا الرسول صلى الله عليه وسلم " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير"
ثم يأتي بعد ذلك دور المشاعر والشعور بالراحة والاطمئنان ناحية الشخص، وأنت تقولين أنك مرتاحه له، ولكنه لا يبادلك المشاعر والكلمات التي تجذبك له وتشعرك بحبه، وهنا أقول لك، من كلامك أنه هو أيضًا هذه أول تجربه في حياته وربما يكون هذا الأمر في صالحك، ولا تستغربي فكم من شباب وفتيات ظلا يتبادلا كلمات الحب لسنوات طويلة وعند الوصول لنقطة التلاقي وتحديد الزواج يفشلوا، فإين ذهبت الكلمات والمشاعر الفياضه، فلا تستعجلي الخير فبعض الرجال لا يجيدون التعبير عن مشاعرهم جيدًا، ولكن أنت أيضًا عليك عامل كبير في .هذه الخطوة فلابد من أن تفتحي قلبك له ، فالمشاعر تقوم على طرفين وليست على طرف واحد، على أن تكون تلك المشاعر العفيفة الجميلة التي ترقق القلوب والتي تجوز لتلك الفترة
أيضًا تحدثتي عن مشكلة المظهر والبرستيج، وهذا الأمر لا يدعوا للقلق فأنت من ستهتمين به بعد الزواج وتحرصي على شكله الاجتماعي، ولكن أحرصي على ذكاء الأسلوب، فالرجال لا يحبون أسلوب الأمر أو اللوم ، فيمكنك أن تجعليه يفعل ما تريدين منه بشكل غير مباشر وما .أكثر أساليب الأنثى الذكية ، فأنا على يقين أن الأنثى إذا أرادت أن تفعل شيء ما وصلت إليه بشتى الطرق
نأتي بعد ذلك لآخر مشكلة ، والتي أظن إنها العامل الأساسي في ترددك وحيرتك، وهي الشكل، فمن الواضح أنه لا يتمتع بالشكل الوسيم الجذاب وهذه خلقت الله، لا نختلف عليها، ولكن انتبهي جيدًا أختي الحبيبة فكل ما ذكرتي من مشكلات تؤرقك يمكن التجاوز عنها ومعالجتها مع الزمن بل وربما يأتيك من هذا الشخص الخير الوفير لأنه على فطرته ولم يتأثر بعد بالملوثات التي تحيط بنا الآن ، ولكن في مشكلة الشكل بالخصوص، فهذا أمر في غاية الأهمية لأنك أنت من ستعيشين مع هذا الشخص ولابد أن تكوني مرتاحه لشكله ولا يوجد ما يعكر صفو نظرتك .له، فأنت الوحيدة صاحبة القرار في هذا الأمر بالخصوص ولا تعتمدي على آراء من حولك فربما يكون هو في نظر غيرك فارس أحلامها، فالشكل لا يتغير بل يتأثر بالزمن أكثر وأكثر، مع العلم ألا تأخذك أحلامك في الشكل إلى بعيد فلا يستطيع الانسان أن يملك كل شيء في آن واحد
.وأخيرًا أسأل الله أن أكون وفقت في مساعدتك وأسأل الله أن يقدر لك الخير حيث كان ويلهمك الصواب
مواضيع متعلقة
بص وطل

انقر هنا لقراءة الخبر من مصدره.