حبيبتي الموضوع عادي وهذا زواج يمكن اخوك انتي اللي مايعجبها ساعتها اهو اللي بيتحطم .... تري هذا زواج وعشرة عمر والجمال مو كل شيء ياما بنات بقمة الجمال ولي الحين قاعدين في بيوتهم وياما بنات عاديين انما النصيب النظرة الاولي تري مهمة واللي انا اشوفه جميل مو ضروري غيري يشوفه حلو ... توكلوا على الله يمكن تعجبكم انتوا بس ما تعجب اخوكم .... وممكن كلكم مرتاحين لها وعاجبتكم والبنت اهي اللي ترفض ساعتها شراح تسوون ....!!!

بدر الجوري كلامك صحيح لكن وين اللي يسمع
اختي فلانه ماتلاحظين ان ردك فيه نوع من الهجوم والعنف وكل كلامك بغير صالحي لكن انا حاسه فيك اتوقع انه حصل لك موقف مشابهه عشان كذا ردك جاء بعصبيه ونرفزه الله يوفقك
على فكرة انا ما قلت ان اخوي ماراح يرد لكن الارجح ان البنت ما تناسب مستحيل بنت تطلع علىرجل وهي ماشايفته وعندها موافقه مبدئيه وهذي وجهه نظر المجتمع مره ثانيه اقدر الموقف اللي حصل لك واللي واضح جدا جدا من ردك:26::26: وخيرها بغيرها ياختي:24:
واذا ما بغتنا ندور غيرها ويادار مادخلك شهرهههههههههههههههه والفرص دائما قدام الشاب اكثر من البنت وهذا شي معروف
وعموما احنا ماودنا نزورهم ونرفض بنتهم نخاف على نفسيتها بعدين تتعقد وتكون عصبيه
:(:(

هلا nightlight

ما ادري وين المشكله؟ يعني الحينمعقوله شاب يتزوج بنت و مايشوفها؟
اجل وين النظره الشرعيه؟ او هذه النظره مالها هدف

لنفترض ان انت و الوالده شفتا بنت و عجبتكم و وافقتم عليها اليس على اخوك ان يشوفها ايضا؟ (نظره شرعيه)
وممكن بعدها يرفض
ونفس الشئ لو اخوك شافها بنفس الوقت مع الاهل..

نحن عندنا يجي الشاب مع اهله و يشوفوا البنت و ممكن هو يرفض البنت و ممكن البنت ترفضه و شئ عاااادي
ليش الحساسيه؟
ليش تتوقعوا ان سبب الرفض هو الجمال !!!!
سبحان الله...ولهذا دائما تشعروا ان يجب ان نهتم بشكلنا ....
وبعدين لو شاب رفض البنت خلوا البنت تحلل الموقف و تشوف السبب...ممكنتكون سوت غلطه او قالت كلمه من دون قصد و لكن الشاب فهمها شئ ثاني..

بقولك عن تجربتي...وعن تحليلي :27:
دائما الشاب قبل الحضور تتصل والدته علىالوالده و يدردشوا شوي و يصير تبادل معلومات
فلو المعلومات ماعجبت الوالده فتعتذر منها على التليفون بدون حدوث اي زيارات...
مره من المرات اتى والد شاب و والدته فقط من دون الشاب (لان الشاب يشتغل بمدينه ثانيه) وعند نهايه الزياره طلبوا ان ياتوا مع ابنهما الاسبوع الي بعده (وهذا معناه ان الاهل موافقين علي و على عائلتي) اهلي وافقوا على الزياره (وهذا معناه ان اهلي موافقين على عائله الشاب)

الاسبوع الي بعده اتى الشاب و سبحان الله ما كان في نصيب رغم ان اهل الشاب ماشاء الله عائله محترمه
بس الله ماكتب ان نكون لبعض...
سبب الرفض؟
انا اقولك الشاب خجووووول يعني يدوب تكلم كلمتين على بعض
ومحسوبتكم لسانها مادخل في فمها ههههههههههه
نازله كلام طول وقت الزياره...

شخيصتنا باين عليها انها ما تركب على بعض
ولهذا تم الرفض سواء مني او منهم لان انا نفسي لن اخذ شاب خجول و هو اكيد ما يبي واحده قويه و رغايه :17:
شفتوني تكسرت او تحطمت :)
لاعادي....ماهو مش معقوله كل شباب العالم يسقطوا صرعى جمالي الفتان خخخخخخ
ليش يكون عادي لو البنت رفضت شاب و لكن لو الشاب رفض البنت فهي تتحطم و تتكسر نفسيتها و و و
ولهذا حاولي البحث عن السبب علشان تتفاديه المره الجايه بس هذا مايعني ان لاتكوني طبيعيه..يعني الحين ماتتوقعوا اني بجلس هاديه و مستحيه في اي زيارات مستقبليه :) لان انا طبعي كذا احب الكلام و الحديث....

:24: هذه تجربتي

يا اختي دموع الندم كلامك مثل كلامي بس الاخت ما ادري ليش علبالها اني منرفزة وحمقانه ليش حبيبتي انا قلت رايي وهذي اختك دموع الندم قالت مثل رايي لا تنرفزنا ولا تكسرت مجاديفنا الحمدلله جمال وثقافة وعايلة تشرف وفلوس تسد عين الشمس بس اذا ما صار نصيب مو عناته ان البنت فيها شيء او الولد لا حبيبتي هذا زواج والمفروض انك تفكرين بطريقة منطقية واقعية اكثر من جذي تري انتي بنت واكيد مريتي او راح تمرين بنفس التجربة بما انك خليجية وعايشة بنفس تقاليدنا الا اذا انتي شايفة شيء ثاني .... ولك طريقة للزواج غير هذي عاد ما ادري عنها لاكن اللي اعرفه الزواج التقليدي واللي البنت ما تعرف الولد والولد ما يعرف البنت اهل الولد او العريس يتصلون باهل البنت ويتبادلون المعلومات واذا تقابلوا عاد يا يصير نصيب وتكتمل الفرحة او كل واحد يروح بنصيبة لاتتكسر البنت ويضيق خلقها ولا الولد وليش مفترضة ان اخوك بيرفض البنت ليش مو البنت ما يعجبها .... عموما اذا الله كتب بيتزوجها واذا ما الله كتب لا انتي ولا غيرك بيغصبه عليها
تقبلي كلامي بصدر رحب واذا ما عجبك براحتك ................ تحياتي لك

دموع الندم اشكر مرورك على موضوعي الا كيف حالك وكيف حال اهل مونتريا ل واتمنى لك حظ اوفر وواضح انك فعلا ما تاثرت بهذا الموقف عكس بعض البنات اللي تتاثر باي موقف من ها النوع ويؤثر على شخصيتها وعاطفتها ياليت الكل مثلك اهنيك على وضوحك وصراحتك مع زوج المستقبل :23:وانا اتصور اهم شي في البنت اخلاقها لا فلوس ولاجمال كله يزول اهم شي الخلق والتدين :27:لكن شبابنا ايش يقنعهم الجمال له اهميه عندهم:23: وهذا من حقهم واتوقع افضل طريقه لرؤيه الفتاه بعيد عن الاحراجات يكون في مكان عام وهذا انشاء الله اللي بيحصل:13:مراعه لمشاعر بنات الناس لانه مهما كان راح يؤثر عليها سلبا في المستقبل هذي نظره المجتمع ماهي من عندي اتصور واحس هذا شي طبيعي جدا
ملاحظه لكن تكتب هكذا( لكن) وليس هكذا(لاكن)