بط بالبرتقال مشوى فى الكيس الحرارى لون وطعم حكايه فاطمه ابو حاتى

السلام عليكم ..

النهارده جايبالكم وصفه حلوة اوى هتعجبكم  وتنفع اوى للعزومات وهتبقى مشرفه اوى قدام الضيوف ..

بط بالبرتقال فى الكيس الحرارى

المكونات والطريقة 

هنجيب بطه حلوة كده وبعد ما تتنضف كويس هننقعها فى خل وملح شويه

بعدين هنغسلها وندعكها بالدقيق والليمون

هنغسلها تانى عشان الزفاره

هنجيب بقى فى الكبه

طماطم وفلفل وعصير برتقال وتوم وبصل وكاتشب ومسترده وكل التوابل اللى عندك

ومعلقتين صلصه وندوب كله مع بعض

هنديب كيس حرارى ونقطع خضار

بطاطس وجزر وفلفل الوان

وندعك البطه بالتتبيله اللى عملناها ونحشيها انصاف برتقال

ونجيب كيس حرارى ونبطنه بدقيق وشويه مايه

ونحط الخضار والبطه ونقفل الكيس ونخرمه بالسكينه من فوق عشان البخار

ونحطه فى صينيه فيها شويه مايه وع الفرن ساعه ونصف لحد ما تتشوى كويس ولونها يبقى حلو

وممكن نفتح الشوايه عليها بعد ما نقطع الكيس

ونقدمها مع ورق عنب او ارز بسمتى هيبقى حلو اةى

الف هناا ..