المقدمة : 
آلاء عندها ١٨ سنة ساكنه ف قريه ريفيه وحياتها ( هتعرف حكايتها فى الرواية ) نفسها تحب وتتحب وهى دى بطلتنا 
الأشخاص 
احمد البطل طبعا وعنده ٢٥ سنة 
سيف عنده ٢٥ ( بيكون اخ ل احمد ف الرضاعه )
ندى اخت احمد 
سهير والدة احمد   
آلاء البطلة وعندها ١٨ سنة 
حبيبه وآيه صحاب آلاء المقربين وف نفس المدرسة والدروس واصغر منها ب سنة 
فاطمة والدة آلاء 
محمود والد آلاء 
يوسف  بيكون اخوآلاء الكبير 
شريف اخوها الأصغر منها ب سنتين 
محمد اخوها الصغير 
باقى الشخصيات هنعرفها فيما بعد 
البارت الأول : 
بينما كانت آلاء ذاهبه إلى احدى دروسها اصطدمت بشخص ما ( وكان هذا الشخص احمد ) 
آلاء : آسفه م كنش قصدى 
احمد : حصل خير ابقى خلى بالك بعد كده انتى
آلاء : آسفه مرة تانيه وصلت آلاء ل مكان درسها والتقت بصديقاتها المقربين 
حبيبة : اتأخرتى كده ليه 
آلاء : المواصلات وكده وكمان خبطت ف واحد وانا ماشيه 
ايه :  شكلو حلوه 
حبيبة : هههههههههه فعلاً شكلو اي؟ اصلى احنا بنحب الحجات دى 
آلاء : تسدقو انكم رخمين قووى 
حبيبة : ي بت م الحب بيبتدى كده انتى م تعرفيش ولا اي 
ايه : معلش اصلها مش بتقرا روايات زينا وإلا كانت عرفت هههههه 
الاء : ايوه ايوه نبتدى وصلة التحفيل والحفله بتاعت انهاردة عليا أنا غورى ي بت انتى وهى 
 دخل المدرس بتاعهم فسكتو طبعاً وابتدى يشرحلهم الدرس والاء كانت مندمجه معاه بعدين افتكرت سؤال حبيبه ليها  شكلو حلو ؟ الاء سرحت ف احمد وجمالو وافتكرت شكل لبسو ( قميص ابيض اللون مع بنطال من الجنز اسود اللون ونظارة سوداء )  الاء شكلو حلو بس 
ده شكلو يجنن يخربيت جمال امو هههههه اي اللى انا بقولو ده فين غض البصر استغفر الله ف عادت إلى أرض الواقع على صوت معلمها ( الاء ركزى معايا شويه ) الدرس محتاج تركيز 
الاء : اسفه ي مستر مش هتتكرر تانى 
المدرس : تمام ( طبعاً عارف اسمها لأنها من الطلاب الممتازين عندو ) حبيبة وايه بصو ل بعض وسكتو وكملو الحصة عادى 
اما بقى عند أحمد ف الشركة 
السكرتيرة : مستر احمد مستر سيف منتظر حضرتك ف المكتب 
احمد : تمام 
دخل احمد مكتبو 
احمد : اهلا اهلا ب الدكتور سيف اللى مش بيسأل لا على مالو ولا على اخوه وصاحبو 
سيف : احمد  جيب من الآخر عشان انت عارف ان كل ده مش هيجيب معايا نتيجه خير عاوزنى ف اي ؟! 
احمد : ابدا ولا حاجه عاوزك تيجى تشوف شغلك هنا ومتقولش م لكش فى 
سيف : لا هقولك م ليش فى ي احمد أنا دكتور وم بفهمش ف الشغل ده 
احمد : م تكدبش عليا ي سيف عشان احنا كنا بنشتغل مع بعض هنا من واحنا بندرس 
سيف : شغل مش هشتغل ف الشركة ولو على نصيبى مستعد اتنازلك عنو لو حابب إنما مش هشتغل فيها 
احمد : كل ده ليه 
سيف لأنى بسبب الشركه دى ابويا وامى ماتو وانا كمان كنت هموت وللأسف م متش ي احمد بقيت يتيم الأم والأب من وانا لسه صغير 
احمد : سيف اعقل ده مال ابوك ومالك انت كمان ولازم تحافظ عليه ومش هقولك أنى محتاجك ف الشركة اصلا الشركة الحمدلله كل يوم وهى بتزيد ف الأرباح بس انت اللى لازم تقف هنا مكان عمى الله يرحمه وتكمل شغله على الأقل عشان يرتاح ف تربتو 
سيف : بس انا مش هشتغل فيها غير لما اجيب حق ابويا عشان ابقى مرتاح وانا شغال 
احمد : سيف عارف كل ده بس انا وانتى لازم نبقى ايد واحده ومتخافش قريب قووى حق ابوك وابويا هيرجع 
سيف : احمد لو سمحت م تفتحش الموضوع ده تانى 
احمد : حاضر ي سيف بس انا هسيبك الاسبوع ده بس م فيش غيرو وبعدين هترجع تشتغل ف الشركه من تانى وده اخر كلام عندى 
سيف : ههههه ماشى ي احمد 
احمد : تسدق شفت بنت واول م شفتها حسيت انى مبسوط بص هو  كان احساس غريب اول مرة احس بى وخصوصاً قصاد بنت وجميلة قوووى وسرح احمد ف جمالها 
سيف : اي ي بنى رحت فين 👋
احمد : يخربيتك فى اي  
سيف : مين 
احمد : مين اي 
سيف : البنت 
احمد : م اعرفش 
سيف : ده اللى هو ازاى 
احمد : م اعرفش برضى 
سيف : طيب 
احمد : شفتها لما كنت مستنى مصطفى تحت البيت  
نرجع ل آلاء 
خلصت حصة الاء اللى هى م ركزتش فيها ٥ دقايق على بعض اصلا 
حبيبة : آلاء حبيبتى انتى تعبانه 
آلاء : لأ مش تعبانه أنا كويسه 
حبيبة : امال مالك من أول م بدأنا الحصة وانتى سرحانه 
آلاء : بصراحه عجبنى شكلو قوى 😞
حبيبة : هو مين ده 
الاء : الشاب اللى خبط فى أنا وجايه الحصه 
ايه : حاسه ب اي 
آلاء : احساس حلو بس مش عارفه اوصفه بس هو .... بصى م علينا لأنى مش عارفه اوصفو 
ايه : انتى وقعتى 
 آلاء : وقعت اي  أنا أول مرة اشوفو اصلا
حبيبة : لو ليكى نصيب هتشوفى تانى ي حبيبتى 
ايه : اوصفيه ي الاء 
آلاء طبعاً وصفتهولهم 
ايه : لازم تقع فى اي  ي جماعه إذا كنت أنا حبيتو 
آلاء : ههههه بس ي بت 😏
ايه : م علينا المهم انا عيد ميلادى بعد بكرة لازم تيجى دى آخر سنة لينا مع بعض والله واعلم يمكن نفترق وكل واحده فينا تروح كليه غير التانيه 
الاء : أن شاء مش هنفترق ابدا بس انتى عارفه ماما وتفكيرها من المستحيل أنها توافق انى اجى عيد ميلادك وتقعد تقولى عيب وم عندناش بنات تروح اعياد ميلاد والكلام ده 
ايه : أنا مش عارفه مامتك ليه بتعمل معاكى كده 
الاء : يلا نصيبى بقى هعمل اي ؟! الحمدلله 
حبيبه : اي جو النكد اللى قلبتو عليه ده ربنا هيصلح الحال أن شاء الله  
ايه : ادينى وصلت بيتى يلا سلام كلمونى أما توصلوا 
آلاء ،حبيبه : ماشى