خطيبك بيطلب منك بوسه .. طيب حضن ؟؟ تعالى اقولك تتصرفى معاه ازاى
ان فى بنت خطيبها كل شويه مزهقها بالطلب ده وهى رافضه طيب تعمل ايه مش معقول كل دول هيفركشو
انا هقول حلى للموضوع ده وطبعا مش بالضروره انه هيجيب نتيجه مع كل الناس
عشان كده عايزه كل بنت تدخل تقول حل من وجهه نظرها وجزاها الله خيرا
قبل ما اقول الحل لازم اقول حاجه مهمه للامانه
فى بنات كتير الغلط بيبقى منها هى ازاااااااى
باختيارها الغلط
يعنى مثلا عايزه تتخطب والسلام فبتوافق من غير حتى ما تصلى استخاره وتسأل ربنا
او بتحبه وعارفه ان عيوبه كتير ةعندها امل يتصلح بعد الارتباط والجواز
او
بتدلع عليه فى التليفون او قدامه مباشره يعنى بترقق صوتها بتقوله كلام ناعم جدااااااااا ورومانسى زياده
طيب هو يعمل ايه ما اكيد هيتأثر ومش هيقدر يمسك نفسه
وهيتجرأ انه يطلب منك بوسه او مسكه ايد
طبعا مش كل الرجاله فى واحد مثلا هيقولك بس بطريقه شيك شويه
احنا مينفعش نتكلم كده احنا لسه مخطوبين او هيقلل من مكالماته معاكى
طيب انا اتكلمت عن الغلط اللى من ناحيه البنت
استنوا بقى قبل ما تتعصبوا
انا عارفه ان فى بنات كتير ملتزمه جداا ومع ذلك خطيبها بيطلب منها تجاوزات تعمل ايه؟
لو عايزين الحل بجد ونكون صريحين مع بعض
لازم الاول تختارى صح لو شفتى عليه اى حاجه مريبه او غلط يبقى بلاش احسن
طيب لو اكتشفتى الموضوع ده بعد الخطوب
ابدئى بأنك تنصحيه ان ده حرام واوعى تضعفى فى كلامك خليكى واثقه انك انتى الص
قوليله لو بتحبنى هتخاف عليا وتحافظ عليا وهتحترمنى انى مش راضيه اعمل حاجه تغضب ربنا مننا
ولو فكرت لثوانى هتعرف انى مش عايزه اغلس عليك والسلام
لا ده امر ربنا مش بايدى وانا عشان مش عايزاك تضيع منى
بعمل كده لان لو ربنا غضب علينا احتمال يحرمنا من بعض
وفى النهايه ان ليك مش لحد تانى مستعجل ليه
هيقولك مش قادر وبحبك وغصب عنى واشمعنا احنا وفى ناس كتير بتعمل كده عادى
قوليله
استعذ بالله من الشيطان الرجيم متخليش الشيطان يلعب بدماغك بالافكار دى
اه فى ناس بتعمل كده ربنا يهديهم يارب
ومين قالك ان هما سعداء فى حياتهم مش يمكن دلوقتى حبهم بيقل بالتدريج
مش يمكن ربنا بيخليه يفكر يسيبها ولسه كمان عقاب اكتر
وبعدين لو فى ناس بتعمل كده فى ناس كتير لا
ليه احنا منبقاش زيهم واحسن كمان
عشان ربنا يبارك لنا فى حياتنا
ودايما حسسيه انك بتحافظى على طاعه ربنا
دايما اقرى قرأن واحفظى وشجعيه يحفظ معاكى او على الاقل كل ما يجى يزورك خلى شويه وقت يسمعلك اللى حفظتيه
وصلى كتير واتقربى من ربنا وادعى ربنا يهديهولك
اويدلك على الخير ويبدلك خيرا منه
لو مفيش فايده نهائى انا اسفه انى اقولك عيدى تقكير فى ارتباطكم
وانا والله عارفه انها صعبه ومش بالساهل ابداااا
وصلى استخاره وشوفى ربنا هيدلك على ايه
ولو سبتيه ارضاء لربنا والله هتنسى بسرعه وربنا هيعوضك بافضل منه
"ومن يتق الله يجعل له مخرجا ويرزقه من حيث لا يحتسب"
وربنا يهدى الجميع
اللهم امين
كلامك مزبوط ..الخطيب مش محرم ع البنت ..انا خطيبي بعد النظرة الشرعيه بقيت 4 شهورلاكلمته ماشفتش حتي وشه وبعدها كتبنا كتابنا والحمد لله ربنا يسر وفرحنا قريب اوي ..كل حاجه جميله بطاعة ربنا ^^
ردحذفانا كنت مرتبطه بخطيبي ده تاالت شهور وبنحب بعض وخطبني بعد الارتباط بس عمره ماطلب مني حاجه واحنا مرتبطين لما خطبني طلب انو يبوسني وانا رفضه خالص مره واتنين ارفض وفي الاخر قالي انا عايز اقرب منك اكتر واحسن انك بتاعتي ووحده صحبتي قالتلي بوسيه عشان ممكن يزهق منك ونا بصراحه خوفت يزهق مني ويسبني لما طلب تاني انا وفقت بوسته ودلوقتي بنبوس بعض وبنحضن بعض لما بنتجمع لوحدنا هل كدا ممكن يخد عني فكره وحشه
ردحذفانتى مش محترمه 😲
حذفممكن يكون بيعمل كده علشان يشوفك محترمه ولا لا وأنا حصل معايا نفس الموقف ورفض علشان ونصيحه يعنى بتحبيش حب زايد عن حده
حذفكلام مضبوط حتى لو البنت بتحب خطيبها الحب لها حدود
حذفعايز يعرف انتى شمال ولا لاء
حذفيعني ايه يعرف هي شمال ولا لا هي كمان لازم تعرف انو شمال ولا لا برضو وهو اللي شمال عشان مش محافظ عليها اتفو علي الرجوله
حذفيعني ايه يعرف هي شمال ولا لا هي كمان لازم تعرف انو شمال ولا لا برضو وهو اللي شمال عشان مش محافظ عليها اتفو علي الرجوله
حذفعلي فكره انا كده دلوقتي بقا يبوس التراب اللي بمشي عليه الحب مالهوش حدود ورجاله مش زي بعض
حذفرده عليا
ردحذفانت كلامك مظبوط اووي بس هتعملي ايه لما يقولك انا همون نفسي لو مختش حضن وهو كل حياتي
ردحذفالله يهدينا
ردحذفبس بكتب الكتاب مسموح
ردحذفلا اما تتدخل شقتو
حذفبس لو هو عارف ربنا وبيصلي وبيحبني وبيخاف عليا طب اعمل ايه بس انا اصلا مش مستعدة اني اديلوا حضن
ردحذفأنا خطيبي بيطلب مني بوسه من خدي أعمل إيه وأنا كل مره يرفض واقوله مينفعش بس بحسه بيزعل
ردحذفيزعل لم ترضي ربنا ربنا هيرضي ليكي صدقيني
حذفخليه يتفلق انتو كده كده هتتجوزو يبوسك بس بطريقه رقيقه ومحترمه من ايدك أو من راسك لاكن ولا خدك ولا بوقك ربنا يوفقكم وتتجوزو بسررعه ومتتديش لاي راجل الامان حتا لو كان بيعشقك ارفضي ارفضي عشان ربنا ونفسك
حذفصدقوني الراجل بيشوف صبر كل بنت معه وبيشوف اخرها ايه فاهمني
ردحذفلا والله وهو ليه اصلا يعمل كده ويحطها تحت ضغط دي مش اسمها رجوله هو يروح يبوس ويحضن بره ويجي هنا يقول اختبرها خليه يتقي الله فيها عشان دي مش واخدها من الشارع
حذفاوعي اي بنت تخالي خطيبها او حبيبها يمسك عليه حاجه غلط اللي بيحب مهما عملتي عمره ما هيسيبك وبدل انتي ماشيه تبع الاصول والتربيه والدين اللي ربنا قال عليها ربنا هيكون معاكي وهيخلي خطيبك يحبك اكتر عن تجربه ودايما فيها والله لاني خطيبي برضو بيطلب الطلب ده وانا بفضل متمسكه بي نقسي وبزعل مع نفسي علشان بدايق اننا هنتخانق بس بلاقي ربنا بيرضيني والله
ردحذفاوعي
ردحذفطيب يا جماعة انا محتاجة حد يقولى ازاى امنع خطيبى يعمل معايا اللى هو عايزه ازاى اخليه يبطل الحاجات دى معايا بس انا هيبقى ليا عين ازاى اقوله ده عيب و ده حرام بعد ما خليته يعمل كده انا ندمانة وخائفة و محتاجة حد ينصحنى
ردحذف....
حذفاعمل،ايه
ردحذفياجماعه انا بجد ندمانه فكل الليهحكيه دا بس ارجوكم ساعدوني ازاي اتخلص من الوسواس دا. وبحكم خبرتكم اتمني تنصحوني اعمل ايه فباقي حياتي. انا كنت مخطوبه لسنتين وخطيبي من قبل الخطوبه وهو فالخارج ومجاش خالص.. والعيلتين كانو متفقين جدا وبنحب بعض اوي. ولكن بسبب شويه خلافات ومشاكل وكلها بتيجي بسوء تفاهم حصل الانفصال . احنا قبل مننفصل كنا بنحب بعض جدا ومش بنستحمل حد يزعل من التاني.. بس هو طلب مني حاجات كتيره وانارفضت كتير. بس فضل يقلي انتي عرضي وملكي ومستحبل اسيبك واخد اللي طلبه وبعدها وصلت للفيديوز. وبالفعل كانت تحصل بينا مشاكل كتير توصل للانفصال بس مكانش ببسيبني وكنا بنتراضي ونصلح م بينا ولكن الفتره الاخيره حصلت خلافات مع اخوه بسبب نصيب وحصل كلام.. ومن بعدها كله اتقلب عليا. وبقت معامله اهله بحسها من غير نفس بعدها وانا بصلي فضلت ادعي ربنا انه اللي فيه تعب ليا ابعده يارب عني. وبالفعل مفيش اربع شهور وانفصلنا بس خلال الفتره دي كنت بقلل كلام معاه. بس انا متاكده انه التغير اللي حصل فنشاعرنا بسبب اخوه او اهله.. ف انا بعد م انفصلت عنه مش هاممني اني سبته او سبنا بعض. علشان دا نصيب لكن انا خايفه من اللي حصل انه يحكي بيه قدام حد من اهله او اي حد من الناس. هو من نفس عيلتي وقريبي لكن مش لزم الابوين ولاد عم.. ف ساعدوني.. هل دا وسواس ولا بعد اللي حكيته دا ممكن يبتزني او يضايقني لو ارتبطت بشخص تاتي فالمستقبل.. انا بستغفر كتير وبصلي ومش بتمني الا انه ربنا ييامحني ويريحني من الدنيا خالص..
ردحذفبوصي انتي عملتي كدا بنية حب مش اكتر ومدام استغفرتي يبقا حسيتي بندمك علي كداا وطالما اهله بوشين كدا يبقي ربنا رايدلك حاجة احسن والله يابنتي احنا غلابة وهوا لو فعلا كان بيحبك هيبقي عايز يرضيكي باي شكل لان اللي بيحب حد بيتمناله الراحه حتي لو مع غيره سيبي كل حاجة علي ربنا ووان زي مابتقولي هيبعد عنك الشر والتعب
حذفارجوكم ردو عليا
ردحذفانا بجد ندمانه علي ثقتي فيه
ردحذفبس هو كان بيحبني اوي وبيغير جدا عليا ومكانش بيحسسني انه مبيثقش فيا ابدا بل العكس كنت واخده منه ثقه كبيره.
لكن كل حاجه اتقلبت بعد خلافات اخبه
انا لما طلب من مراتي بوسة فالخطوبة رفضت و حماتي عرفت و ضربتني حتت قلم بس الحمد لله اتجوزتها فالآخر.. بس كبرت فنظري اوي و حسيت اني معايا حاجة غالية اوي
ردحذف������
حذفلو سمحت ممكن اقلك مشكلة حصلت ساعدني فيها زي اختك بالله عليك
حذفبس انا لم بقول لي خطيبى كده بيزعل منى كتيير بيطلب الحاجه دي وانا برفض ومش عارفه اعمل ايه بصراحه انا تعبانه قوى
ردحذفخليكي قوياااا ولو مش عاجبو في ستين داهيه
حذفالله يهدينه ويهدي كل الشباب هالايام والله طلب مني بوسه وحضن لاكن انا ضربته وعورته في يده وكمان عضيته ! هل كده عملت الصح
ردحذفجمعاعه
ردحذفخطيبك لما يطلب منك بوسه او حضن ده مش معناه انو مش بيحبك بس معناه انو عاوز يشوفك انتي هتقولي اي وبجد ده بيبقي اختبار مش اكتر وربنا يكفينا الشر بحد يعني
ردحذفيارب🤲
حذفطيب مابقولو حرام يقعد يقولى خلاص طالما هتمشيها كده يبقا كلامنا حرام وكل حاجه ويقعد يقولى نعم عايزه ايه حضرتك
ردحذفحتى انا بيقولى كده
حذفوالله يا بنات مهما حصل هتلاقي انه كان اختبار بيدخلك من حتت انتي ملكي وبتاعي وبعد ماياخذ اللي هوا محتاجله سواء حضن او كذا بيتغير تدريجياً لغاية مابيقولك مع السلامه قوليله حرام استني هانت ونتجوز وحاولي تغيري الموضوع وتخليه يتكتم بس مش اكتر
حذفبصي هو ممكن يبوسك بوسه محترمه من ايدك لاكن من خدك والكلام ده والاحضان وكده نووو نوووو نووووو 💓
ردحذفطيب انا ابن خالتي بيحبني من اربع سنين بس مكنش قايلي ولسه معترفلي بده قريب وكلم ماما بس هو مسافر برا وبنتكلم وبيقولي دائماً ابعتيلي صورتك أو اتصوري حالا عشان اشوفك قبل ما انام وانا واثقه فيه لانه معروف في العيله أنه خلوق وهو أكبر مني ب ٩سنين لكن النهارده قالي في مسج تعالي في حضني قولتله لما احقلك قالي هو انتي مش حقالي طب بتكلميني ليه طلاما مش حقالي وبعدين هو أنا جمبك الوقتي قولتله الكلام بيجيب كلام وانا مش عايزه الكلام بينا يتطور ويوصل لمرحله مش حلوه قالي مرحله ايه وايه الهبل ده طب سلام سلام وانتي دماغك راحت لبعيد واتنرفز وقفل نت وراح ينام أنا كده افورت معاه و مكنش ينفع اقوله كده ولا انا مش غلطانه لأن هو سريع الغضب والزعل وكده اتقمص هل المفروض اروح اصالحه ولا لأ
حذفعملت كده بس هو مش مقتنع انا عارفة أنه بيحبنى بي مش عارفة اعمل ايه
ردحذفطلب مني بوسة وكان مسافر رفضة تاني مرة كان مسافر طلب مني حضن وانا رفضة وشكلو زعل مني المرة الاخيرة ما بتصل لي ولا برسل لي رسائل وانا كمان ما اتصلت عليه ولا رسلت ليه رسالة
ردحذفبتهيلي انتي الي المفروض تتصلي بيا مر مردش اتصلي كمان مر مردش في المراه الانيقه خلاص بس انتي كدة بتوبقي عملتي الي عليكي
ردحذفبس ده اختبار لينا
ردحذفممكن اقلك مشكلة بالله عليكي ساعديني فيها بالله ضروري
حذفمحتاجه اتكلم مع حد ضرووري بالله عليكم انا في مشكلة ياريت حد يكلمني واتس بالله ساعدو اختكم بالله
ردحذفبكلم شاب وهو ازهر ومحترم وبيحبنى وكده بس فى تجاوزات فى كلامنا وبقى يتخيلنى انى مراته وبيمارس معايا العلاقة كاملة وبقى يقولى هو نفسه فى ايه وانا طبعا رفضت جدا بس هو بقى من اى كلمة أو يسمع صوت يثأر جدا وبيتعب جدا فبقيت بقوله كلام علشان يرتاح ولما برفض بيزعل ومش بيكلمنى وبقى بيتعصب عليا وعلى أقل حاجة يتخانق وبعدين طلب يشوف اجزاء من جسمى وللاسف عملت كده لانه كان تعبان ساعتها وبعدين قولتله لو طلبت منى اى حاجة تانى سواء كلام أو غيره مش هرد وفعلا لما بقى يثار بقى يقولى هقفل واكلمك بعدين بس بقى بيتعصب على أقل حاجة ومش بيحبنى زى الاول ولما اقوله أنا مش محترمة علشان عملت كدا فبيقولى متقوليش كده تانى وأنه بيحبنى وفى مرة حصل خناق وكنا هنسيب بعض فقالى أنه مش عايزنى بس هلتزم بوعدى ليكى واجى اتقدم بعد سنة بس انا زعلانه جدا لانى رخصت نفسى للمستوى وده وعايزة اسيبه لانى حاسه انه عايزنى علشان جسمى وبس وحتى لو اتجوزنا مش هيبقى فى حب ولا كده بس هو بيحبنى جدا وبيقولى كلام حب وحتى نظرة عينه بتبين كده ولما كنا هنسيب بعض كان بيعيط بس احساسي انه مصنيش والمفروض هو اللى يقوللى أن ده غلط بحكم أنه ازهر وحافظ كتاب ربنا وياما قولتله أن اللى بنعمله غلط فكان بيبطل بس بيرجع تانى ويقولى أنى اول بنت فى حياته واو بنت يكلمها وأن مفيش اى بنت بتقدر تثيره غيرى ولا حتى الفيديوهات وانا كنت بنصحه كتير فنا مش عارفه هو بيحبنى ولا مجرد شهوة جسد وهل ده ممكن يعايرنى انى عملت كده او يفكر انى مش محترمة ، عايزة حل
ردحذفكده هوا حب جسمك مش حب روحك بس بيقنعك بكده انو حب روحك وعمرو مهيتجوزك الشاب فينا مهما كان قليل لادب مهما كان وحش بيدور ساعت الجد الي هيا الجواز علي حد محترمه موءمنه تصونه ميكنشي شاف جسمها تكون كلامها شديد وعارفه ربنا وفي لاخر نضيفه وتشيل البيت انما مش هيتجوز وحده علشان الشهوه فهو كلمك علشلن الشهوه وهيكلم غيرك علشان الشهوه لو وحده جمده فجسم عنك كمان هيبصلها ويركنك انما عند الجواز فخط احمر يباشه مش اي واحده
حذفانا
ردحذفالي يصلي عليه النبي يكسب ❤️
ردحذف