السلام عليكم ورحمة الله وبركاته
كيفكم بنات؟؟
وأخبار البشره معاكم؟؟
بنات هذا أول موضوع لي فــي هالقسم .. وجايبه لكم تجربتي في توحيد لون البشره .. للأسف نحن داما نروح للبعيد وما نفكر في القريب .. أنا ما بقيت خلطه ما حطيتها في وجهي .. وجهي صاير فار تجارب من كثر الخلطات:worn_out: ..
المهم بعدها صرت اعرف أيش اللي يفيد البشره ويكون مفعوله ممتاز واللي العكس ..
قبل أسبوعين كنت أفكر بخلطه أسويها بنفسي .. رحت للمطبخ أشوف الأشياء اللي متوفره وممكن أستفيد منها ... وبعدين أخترعت الخلطه الجهنميه .. (صبروا علي شوي خلوني أحمسكم هع) .. الأدوات متواجده في كل بيت .. وأعتقد كل وحده فيكم تعرف مدى فعالية المكونات .. واذا ما كانت تفيد البشره فهي ما تضرها ..
الحين أقولكم مكونات الخلطه ::
2 ملعقه طعام حليب بودره
1 ملعقة شاي بيكربونات الصوديوم
ليمونه
نصف ملعقة شاي ملح
اخلطي المقادير مع بعض .. وخلي الخلطه من نص ساعه لساعه على وجهك وبعدها شيليها ..
بعد اسبوعين تعالي قابليني هنا .. وشوفي النتيجه كيف بتكون ..
واللي تريد تنقل الموضوع حلال عليها .. علم ولازم الكل يستفيد ..